Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

افغانانو د اروپا پارلمان مخې ته د پاکستان پر ضد لاريون وکړ

افغانانو د اروپا پارلمان مخې ته د پاکستان پر ضد لاريون وکړ

By
On
Nov 27, 2017 - 11:29

کابل (پژواک، ٦ ليندۍ ٩٦): د اروپا په بېلابېلو هېوادونو کې مېشتو لسګونو افغانانو په هېواد کې د سولې او امنيت په موخه او د پاکستاني بريدونو پر ضد د اروپايي پارلمان مخې ته لاريون وکړ.

د لاريون يوه تنظيموونکي شان پاچا شينواري د ليندۍ په ٦مه پژواک خبري اژانس ته وويل چې دغه لاريون پرون له غرمې وروسته د بلجيم په پلازمېنه بروکسل کې د اروپايي پارلمان مخې ته وشو.

هغه زياته کړه چې په لاريون کې د بلجيم تر څنګ د اروپا په نورو هېوادونو کې مېشتو افغانانو او د کوزې پښتونخوا يو شمېر اوسېدونکو هم برخه اخيستې وه.

شان پاچا شينوارى وايي چې له لاريون څخه موخه په افغانستان کې د پاکستان د لاسوهنو او د وروستيو بريدونو غندل او د مخنيوي غوښتنه وه.

د نوموړي په وينا، د لاريون په پاى کې دوى خپل پرېکړه ليک هم د اروپايي پارلمان دفتر ته وسپاره.

شينوارى وايي، لاريون کوونکو په افغانستان کي د جګړې د قربانيانو تصويرونه له ځان سره لېږدول او د ژر تر ژره سولې غوښتنه يې کوله.

د لاريون ويناوالو په خپلو خبرو کې روښانه کړه چې افغانان د پاکستان او ايران له خلکو سره ستونزه نه لري، خو هغو ته مرګ غواړي څوک چې په افغانستان کې جګړو ته لمن وهي او د سولې مخنيوی کوي.

دا جګړه د افغانانو تر منځ خپلمنځې جګړه نه، بلکې د نورو له خوا د افغانانو په هېواد کې پر مخ بيول کېږي.
په دې پرېکړه کې راغلي چې پاکستان د افغانستان په بېلابېلو سيمو کې په وروستيو خونړيو ترهګريزو بريدونو کې لاس لري.

سرچينې زياته کړې چې د کابل پر سردار داوود خان روغتون، زمبق څلورلارې، د کابل پر جوماتونو او د کندهار ولايت په ميوند وروستي بريدونو کې د پاکستان د استخباراتي ادارې (اى اېس اى) لاس درلود.

په پرېکړه کې راغلي: ((پاکستان ترهګر نه يواځې پالي، بلکې روزنه ورکوي او نورو هېوادونو ته يې لېږي.))

سرچينې په افغانستان کې له مېشتو نړيوالو ځواکونو او د دغو ځواکونو له غړو هېوادونو غوښتي چې په دې ډول معاملو کې له افغانستان سره همکار و اوسي.

دغه راز دوى له امريکا غوښتي چې د امنيتي تړون د شپږمې مادې له مخې دې د پاکستان د بريدونو پر مهال د افغانستان ملاتړ وکړي.

په پرېکړه ليک کې راغلي، پاکستان په سيمه کې د بنسټ پالنې، افراطیت او تروریزم د مرکز په توګه له څلوېښتو کلونو نه زیات په افغانستان کې د سیاسي بې ثباتۍ په خاطر لاسوهنه کوي او د خپل ستراتیژیک عمق پر بنیاد نیابتي جګړه پر مخ بیایي.

په پرېکړه کې له ملګرو ملتونو، ناټو، اروپايي اتحاديې او نورو نړيوالو غوښتل شوي، هغه پوځي پاکستاني چارواکي چې د افغانستان په نا امنيو او د افغانانو په وژلو کې لاس لري، د جنګې مجرمینو په توګه نړیوالې محکمې ته راکش کړي .

د يادونې ده، تر دې مخکې هم په اروپا کې مېشتو افغانانو د پاکستان پر ضد لاريونونه کړي دي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update