د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د طالبانو د مهماتو يو پټنځاى کشف شو

د طالبانو د مهماتو يو پټنځاى کشف شو

Feb 10, 2014 - 14:44

کابل (پژواک ٢١ سلواغه ٩٢): د ملي امنيت لوى رياست وايي، چې په لوګر ولايت کې يې د وسله والو طالبانو د مهماتو يو پټنځاى کشف کړى دى.

له ياد رياست څخه د سلواغې په ٢١مه پژواک خبري اژانس ته په رالېږل شوې خبرپاڼه کې راغلي، چې دغه پټنځاى د لوګر د محمداغې ولسوالۍ په پورک سيمه د ملي امنيت منسوبينو کشف کړى دى.

خو سرچينې د دغه پتنځاى د کشفېدو کره نېټه نه ده څرګنده کړې.

په خبرپاڼه کې زياته شوې، چې د وسلو له دې زېرمې اتيا د ٧٥ملي متري توپ مرمۍ، ٩ د بي اېم يو توغندي مرمۍ، ٨ د غرني هاوان مرمۍ، ٥٣ د غرني هاوان ايراني ډوله مرمۍ، ١٢٧ د منځني هاوان مرمۍ، شل د ۸۲ ملي متري توپ مرمۍ، ١٠١ د هاوان حق السوقونه او يوه اندازه د ډول ډول مرميو سرګلولې او د دهشکې مرمۍ ترلاسه شوې دي.

سرچينې ويلي، دا مهمات د ورانکارو کړنو او د ولسمشرۍ د ټاکنو د نوماندانو د کمپاينونو پر مهال د ترهګريزو بريدونو د ترسره کېدو په موخه ځاى پر ځاى شوي وو.

د ملي امنيت رياست وايي، د پېښې په تړاو يې يو تن نيولى او پېښه تر لا زياتو څېړنو لاندې ده.

خو وسله والو طالبانو په دې اړه لا تراوسه څه نه دي ويلي.

 

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement