د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

راسموسن پر ازادو، رڼو او عادلانه ټاکنو ټينګار وکړ

راسموسن پر ازادو، رڼو او عادلانه ټاکنو ټينګار وکړ

Feb 27, 2014 - 16:34

بروکسل (پژواک ٨ کب ٩٢): د ناټو سازمان منشي يو ځل بيا په افغانستان کې د ازادو، رڼو او عادلانه ټاکنو غوښتنه وکړه.

د ناټو سرمنشي انډرس فوغ راسموسن د کب په ٨مه د بلجيم په پلازمېنه بروکسل کې د ناټو او ايساف د دفاع وزيرانو د غونډې په دويمه ورځ په خپله پرانيستونکې وينا کې وکړې.

دا غونډه پرون پيل شوې وه او نن يې د افغانستان په اړه ځانګړې شوې ده.

راسموسن وويل، چې څه موده مخکې د افغانستان د راتلونکو ولسمشريزو ټاکنو رسمي کمپاين پيل شوى او راتلونکې مياشت به افغانان په تاريخي ټاکنو کې برخه واخلي.

د ناټوسرمنشي زياته کړه: ((موږ په افغانستان کې ازادو، رڼو او عادلانه ټاکنو منتظر يو، چې امنيت يې په خپله د افغان ملي ځواکونو له خوا نيول کېږي.))

د هغه په وينا، ناټو اوسمهال په افغانستان کې د ايساف د روان ماموريت د پاى ته رسولو په درشل کې دي او دا يقيني کوي چې افغان ځواکونه د خپلې خاورې د امنيت بشپړ امنيت ونيسي.

راسموسن زياته کړه: ((افغان ځواکونو د امنيت د لېږد په پروسه کې ډېر سخت کار کړى دى او موږ به د دوى ملاتړ ته ادامه ورکوو.))

دى وايي، ناټو په پلان کې لري چې تر ٢٠١٤ کال تر وروستيو او د ايساف د ماموريت تر بشپړېدو وروسته د افغان ځواکونو مشورې، روزنې او همکارۍ ته ادامه ورکړي.

خو د ناټو سرمنشي وويل، د دغه کار لپاره اړينه ده، چې دوى په يوه قانوني چوکاټ کې د خپلو ځواکونو د شتون لپاره له افغان حکومت سره د (صوفه) سند لاسليک کړي.

راسموسن دا هم وويل، چې د صوفه سند له امريکا سره د افغان حکومت د امنيتي سند تر لاسليک وروسته عملي کېداى شي.

هغه زياتوي، چې د افغانستان او امريکا ترمنځ د امنيتي سند ځنډېدل د دوى کارونه سختوي او د دغه سند پر ژر لاسليک يې ټينګار وکړ.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement