د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ترافيکي پېښه کې دوه تنه مړه او ٨ ټپيان شول

په ترافيکي پېښه کې دوه تنه مړه او ٨ ټپيان شول

Apr 05, 2016 - 18:22

کندهار (پژواک، ١٧ ورى ٩٥): د کندهار په شاوليکوټ ولسوالۍ کې د ترافيکي پېښې له امله دوه تنه مړه شوي او د ښځو او ماشومانو په ګډون ٨ تنه نور ټپيان شوي دي.

دغه پېښه نن له غرمې وروسته د يادې شوې ولسوالۍ په تنګي سيمه کې شوې ده.

د کندهار د امنيې قوماندانۍ وياند ضيا دراني پژواک خبري اژانس ته وويل، يو لارۍ موټر چې د درېيو کورنيو کډې په کې بار وې، له اروزګان ولايت څخه کندهار ته پر لاره و چې له سړکه اوښتى او چپه شوى دى.

هغه زياته کړه، په دې پېښه کې دوه نارينه مړه شوي، درې مېرمنې او پنځه ماشومان ټپيان دي.

نوموړي د موټر د چپه کېدو لامل د لارې خرابوالى وباله او ويې ويل، وروستيو ورښتونو د اروزګان- کندهار لار په ځينو برخو کې زيانمنه کړې ده.

د ده په خبره، له پېښې وروسته پوليس سيمې ته رسېدلي او ټپيان يې د کندهار ښار ميرويس روغتون ته رسولي دي.

د ميرويس روغتون يوه ډاکټر پژواک خبري اژانس ته وويل، د ټپيانو درملنه يې پيل کړې چې ځينې يې سخت ټپيان شوي دي.

د يادونې ده چې کندهار ته پر غځېدلو لارو تل د بې احتياطۍ او ترافيکي اصولو د نه مراعتولو له امله ترافيکي پېښې کېږي چې ګڼو خلکو ته په کې مرګ ژوبله اوړي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement