د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کونړ قومي مشرانو او عالمانو د امنيتي ځواکونو ملاتړ وکړ

د کونړ قومي مشرانو او عالمانو د امنيتي ځواکونو ملاتړ وکړ

Apr 19, 2016 - 16:57

اسعد اباد ( پژواک، ٣١ ورى ٩٥) : د کونړ ولايت لسګونو قومي مشرانو او ديني عالمانو ديوې پراخې غونډې په ترڅ کې د هېواد له ملي امنيتي ځواکونو ملاتړ وکړ.

په دې غونډه کې چې د وري په ٣١مه، په څوکۍ ولسوالۍ کې جوړه شوې وه، په کې د خاص کونړ، نورګل، نرنګ او څوکۍ ولسواليو قومي مشرانو،ديني عالمانو او ځوانانو برخه اخيستې وه.

دوى افغان امنيتي ځواکونه د دې خاورې ساتونکي او اتلان ياد کړل، قومي مشرانو د امنيتي سرتېرو او افسرانو په غاړوکې  ګلان واچول او پګړۍ يې ور پر سر کړې.

د څوکۍ ولسوالۍ قومي مشر سلطان محمد عظيمي وويل، چې د دې خاورې او خلکو د امنيت ساتنه د افغان امنيتي ځواکونو او د ولس ګډ مسووليت دی.

نوموړي زياته کړه، اوس چې په دې هېواد کې څه روان دي دا ټول د پرديو جنګونه دي چې په افغانانو تحميل شوي دي.

د هغه په وينا، له دې  جنګونو څخه د خلاصون يواځينۍ لار د خپلو امنيتي ځواکونو کلک ملاتړ او د خپلمنځي اختلافاتو له منځه وړل دي.

د نرنګ ولسوالۍ قومي مشر عطا الله وويل چې ټول خلک له خپلو امنيتي ځواکونو ملاتړ کوي ځکه چې د همدې خاورې بچيان دي ، له خپل ولس او خاورې څخه دفاع کوي.

هغه له دولت څخه وغوښتل چې ملي امنيتي ځواکونه په مجهزو وسلو سمبال او ټولې اسانتياوې ورته برابرې کړي.

د کونړ والي وحيدالله کليمزي چې په دې غونډه کې يې ګډون کړى و،  د يادو ولسواليو له قومي مشرانو او ديني عالمانوڅخه مننه وکړه چې له خپلو امنيتي ځواکونونه يې ملاتړ وکړ. 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement