د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سيدخېل : کونړ کې د وسله والو خپلمنځي نښته کې څلور طالبان وژل شوي

سيدخېل : کونړ کې د وسله والو خپلمنځي نښته کې څلور طالبان وژل شوي

Apr 29, 2016 - 11:38

اسعداباد ( پژواک، ١٠غويى ٩٥) : په کونړ کې د دولت  د وسله والو مخالفينو د دوو  ډلو    خپلمنځي نښته کې د يوه قوماندان په ګډون څلور وسله وال وژل شوي .

د کونړ امنيه قوماندان پاسوال عبدالحبيب سيدخېل د غويي په ١٠مه پژواک اژانس ته وويل چې تېره شپه د کونړ د مرورې ولسوالۍ د چنار په سيمه کې د تحريک طالبان وسله والې ډلې او امارت پورې اړوند د وسله والو طالبانو ترمنځ خپلمنځي نښته رامنځته شوه .

هغه زياته کړه چې په دې نښته کې د امارت وسله والو طالبانو يو قوماندان شمس له درې نورو وسله والو سره وژل شوى دى .

د نوموړي په خبره، چې د تحريک طالبان وسله والې ډلې ته زيان نه دى اوښتى ، خو درې وسله وال يې په سيمه کې د ملي اردو له مېشتو سرتېرو سره يوځاى شوي دي.

  د وسله والو طالبانو وياند ذبيح الله مجاهد په ياده نښته کې د شمس په نامه د سرګروپ په ګډون د څلورو خپلو وسله وال وژل مني .

هغه پژواک ته وويل چې دا نښته د طالبانو خپلمنځي نه وه ، بلکې دغه کسان د دولت لخوا دستوري راغلي وو او د دوى پر وسله والو يې بريد کړى .

د يادونې ده چې مروره ولسوالۍ د ډيورنډ له فرضي کرښې سره پر پوله پرته ده.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement