د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

باميانو کې د ورېښم لارې کاليزه و نمانځل شوه

باميانو کې د ورېښم لارې کاليزه و نمانځل شوه

Sep 29, 2016 - 19:57

باميان (پژواک، ٨ تله ٩٥): د ورېښم لارې اتمه کليزه د انځورونو نندارتون، کنسرت، فلمي نندارې او ورزشي سياليو تر سره کولو سره   د ګرځندوى صنعت پراختيا په موخه، نن باميانو ولايت کې ترسره شوه.

دې کاليزه کې چې نن د باميانو سيمه ييزې ادارې په ملاتړ  جوړه شوې وه، سلګونو کسانو برخه اخيستې وه.

د باميانو د اطلاعاتو او فرهنګ رياست د اطلاعاتو مدير احمد حسين احمد پور، پژواک خبري اژانس ته وويل چې نننۍ کاليزه کې د فلمونو ننداره، د عکسونو ننداره، موسيقي پروګرامونه، د سندرغاړو کنسرت او ورزشي لوبې شامل وې او د دې کاليزې دويمه ورځ به امير بند کې ترسره شي.

هغه وويل: "د داسې تفريحي پروګرامونو ترسره کول به د دې لامل شي چې باميان نور هم وپېژندل شي، څو کورني او بهرني سيلانيان له دې ولايت څخه ليدنه وکړي."

د دې کاليزې يوې ګډونوالې سهيلا د نن ورځې تفريحي پروګرامونه منظم او د ليدلو وړ وبلل او ويې ويل، خلکو ته تر ډېره د سندرغاړو کنسرتونه په زړه پورې وو.

هغې زياته کړه: "د ورېښم لارې کاليزې پروګرامونو ښه توب دا دى  چې د ټولو پرمخ پرانيستي دي او هېڅ محددويت په کې نشته."

د باميانو ولايت وياند عبدالرحمن احمدي وويل چې دا کاليزه د باميانو سيمه ييزې ادارې له لوري جوړه شوې وه.

نوموړي د دې مطلب په څرګندولو سره چې دې کاليزه کې به ١٠ هنرمندان خپل هنرونه نندارې ته وړاندې کړي، زياته کړه: "ټولو پروګرامونو کې ګډون  وړيا دى او ټول ښاريان په کې ګډون کولى شي."

د ورېښم لارې کاليزه، هر کال باميانو کې د ګرځندوى صنعت پراختيا او د ياد ولايت اوسېدونکو د تفريح لپاره ترسره کېږي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement