د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیکا ارګون کې د امن په نوم کتابتون جوړ شو

د پکتیکا ارګون کې د امن په نوم کتابتون جوړ شو

Sep 20, 2017 - 17:05

ښرنه (پژواک، ٢٩ وږى ٩٦): د پکتيکا په ارګون ولسوالۍ د امن په نوم کتابتون جوړ شو او په دې سره سلګونو ځوانانو ته د مطالعې زمينه برابره شوه.

د اړوندې موضوع په اړه جوړې شوې غونډې ته د "مېلمه" مدني بنسټ مشر يعقوب خان منظور وويل چې دغه کتابتون يې پر خپل مالي لګښټ جوړ کړى چې د سيمې د فرهنګيانو له لوري ورته د امن نوم غوره شوى دى.

هغه وايي چې په دغه کتابتون يې يو ميليون افغانۍ مالي لګښت کړى خو د کتابونو په برخه کې يو شمېر فرهنګيانو او سوداګرو هم ورسره مرسته کړې ده.

د منظور د معلوماتو له مخې، په دې کتابتون کې څه د پاسه پنځه زره بېلابېل ټوکه کتابونه دي چې ځوانان کولاى شي د مطالعې لپاره استفاده ترې وکړي.

هغه زياته کړه: ((دغه کتابخانه  په کمپيوټرونو او په نورو اړينو توکو هم سمبال ده نو ځوانان کولاى شي د مطالعې لپاره استفاده ترې وکړي.))

دغه راز د دې ولسوالۍ اوسېدونکي هم د ياد کتابتون پر جوړېدو خوښ دي.

د ارګون اوسېدونکي نيک محمد مجاهد پژواک ته وويل: ((دا يو نېک ګام دى، ښه خبره ده چې کتابخانه جوړه شوه زه مطمين يم چې خلک به د دې کتابخانې په ليدو سره له مطالعې سره مينه پيدا کړي او دلته به د مطالعې لپاره راشي.))

د دې ولسوالۍ يو بل اوسېدونکي سيف الله هم د مېلمه مدني بنسټ له چارواکو مننه وکړه چې په شخصي لګښت يې کتابتون جوړ کړى دى.

ده له ځوانانو غوښتنه وکړه چې د کتابتون په ساتنه کې همکاري وکړي او ډېرى وخت د مطالعې لپاره ورشي.

دغه راز په دې غونډه کې د پکتيکا د اطلاعاتو او کلتور رييس امان الله خپلواک هم وويل چې د دغه شان کتابتونونو جوړېدل يو ښه فرهنګ دى.

ده وويل چې هر کال دوى د کتاب لوستنې لپاره کمپاينونه په لاره اچوي څو خلک له مطالعې سره مينه پيدا کړي.

دا په داسې حال کې ده چې يوه مياشت وړاندې هم په ارګون ولسوالۍ کې د وحدت فرهنګي مرکز له لوري يو لوى کتابتون جوړ شو.

د يادونې ده، په ټوله پکتيکا کې يوه دولتي او درې شخصي کتابتونونه شته دي خو د نورو ولايتونو په څير په دغه ولايت کې هم د کتاب لوستنې د مينه والو شمېر لږ دى.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement