د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند کې د کرکټ معیاری لوبغالي د بنسټ ډبره کېښودل شوه

هلمند کې د کرکټ معیاری لوبغالي د بنسټ ډبره کېښودل شوه

Nov 24, 2017 - 15:33

لښکرګاه (پژواک، ۳ لیندۍ ۹۶): هلمند د کرکټ د لوبو لپاره د معياري لوبغالي د بنسټ ډبره کېښودل شوه، دغه راز په دغه ولایت کې د معتادینو د ۱۸۰ بستریز روغتون چارې بشپړې او ګټې اخیستنې ته وسپارل شو.

د افغانستان د کرګټ بورډ رييس شکرالله عاطف مشعل د لیندۍ په ۳مه پژواک خبري اژانس ته وويل، دغه لوبغالی به د لښکرګاه ښار په صافيانو سيمه کې په معياري ډول د يوه کال په موده کې جوړ شي.

د ده په وينا، د دغه لوبغالي جوړولو لګښت چې ۶۵۰زره ډالره کېږي، له نشه یي توکو سره د مبارزې وزارت ورکوي.

هغه زياته کړه چې د دغه لوبغالي تر څنګ به يوه اکاډمي او ځيني نور د اړتيا وړ برخي د کرکټ بورډ له خوا جوړ شي.

د مشعل په خبره چې په هلمند کې د کرکټ مينه وال زيات دي او د وړتیا په ښودو به ځيني ملي ټېم ته هم لاره پیدا کړي.

په همدي اړه جوړ نیول شوو مراسمو کې له نشه يې توکو سره د مبارزي وزيرې سلامت عظمي وويل چې د هلمند هوا او سيمه د کرکټ لپاره مباسبه ده او له کرکټ بورډ سره یې د دغه لوبغالي په جوړېدو کې مشوره کړې ده.

د اغلې عظيمي په وينا، دوی به له ولايت او کرکټ بورډ سره په ګډه له دې پروژې څارنه کوي او د هر ډول فساد مخه به نیسي.

په هلمند کې يوه لوبغاړي فريدون وويل چې په دغه ولايت کې سلګونه ځوانان په غير معياري لوبغالو کي د کرکټ لوبې کوي.

د ده په وينا، که چېرې ياد ميدان جوړ شي، د يادې لوبې مينه وال ځوانان به ښه روزنه ترلاسه کړي او تشويق به شي.

دغه راز د یوه بل خبر له مخې، په هلمند ولایت کې د معتادينو لپاره ۱۸۰ بستریز روغتون جوړ او ګټې اخيستنې ته وسپارل شو.

له نشه يې توکو سره د مبارزې وزيرې سلامت عظمي دغه ولايت ته د خپل سفر پر مهال وويل دغه روغتون د ۱۸۰ بسترونو په ظرفيت جوړ شوی او ټولې اړتياوې يې په پام کې نيول شوې دي. 

د هغې په وينا چې په دغه روغتون کې د ډاکټرانو لپاره کورونه، ليلیې، د حرفوي زده کړو مرکز او نورې بېلابېلې اسانتیاوې شته.

غظیمي وویل چې پر دغه روغتون له نشه يي توکو سره د مبارزې وزارت له خوا څلورنيم ميليونه امريکايي ډالره  لګښت شوی دی.

د دې ولایت د عامي روغتيا سرپرست رييس ډاکتر مولاداد توبه ګار وويل، دوی به د اوس لپاره له دغه روغتون څخه د ۲۵۰ بستره لپاره کار واخلي خو وايي چې لا هم په دې برخه کې نورو امکاناتو ته اړتیا ده.

د هلمند والي حیات الله حیات وويل، دا چې په هلمند کې نشه يې توکي ډېر توليدېږي نو روږدي هم ډېر دي او د درملنې لپار يې بايد بل کمپلېکس هم جوړ شي.

د يادونې ده، دا مهال په دغه ولايت کې يو بل ۲۰۰ بستريز  روغتون هم د معتادينو لپاره خدمات وړاندې کوي.

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement